Pfadi rynach st. nikolaus
Wölflileitung
Wölflileitung
Stufenleiterin
Arwen v/o Gabriela Hollenstein
Sali zämme:)
Ich bin d Gabriela und in de Pfadi heiss ich Arwen. Ich bi sit em Johr 2009 in de Pfadi debi. Ich han ahgfange als kleins Wölfli und bin jetzte selber Leiterin in de Wölfli-Stuefe. Es macht mir grossi Freud mit de Kinder am Samstignommitag e spannendi und tolli Ziit zerläbe. So wie au s jährliche Summerlager isch eifach unvergässlich und einzigartig. Nebe de Pfadi mach ich e Usbildig als Fachfrau Gesundheit. Ich freu mich jetzt scho druf, mit euch genauso lustigi und unvergässlichi Moment verbringe!!
Bis bald 😀
Nitika v/o Annika Jermann
Ich bin d Nitika und bin Leiterin in de Wölfli Stuefe. Ich verbring immer gärn Zyt mit de Kinder und erläb spannendi und lustigi Samstig Nomitäg mit ihne. D Pfadi macht mir sehr vill Spass, und ich bin sehr dankbar für all die tolle Lüt, wo ich scho han chönne kenne lerne. Näb de Pfadi spiel ich au Piccolo an de Basler Fasnacht und ich tanz. Ich studier an de Uni Basel Jura und möcht spöter Awältin wärde. Ich freu mich scho euch alli kenne z lerne:) Ich freu mich scho euch alli kenne z lerne:)
Messua v/o Jelena Stevanovic
Sali zämme
Ich bi d Messua und bi sit Afang 2021 Leiterin in de Wölfli Stuefe. Ich bi sehr froh drüber, dass ich so viel tolli Lüt ha kennelerne döffe und spannendi und lustigi Samstignomitag mit de Kinder erläbe döff. Näb de Pfadi machi no Yoga und gang ins Fitness. Ich bi am Gymnasium Münchestei mit em Schwerpunkt Biologie und Chemie und wött vorusichtlich im 2022 mit nem Medizinstudium oder em Studium in Gsundheitswüsseschafte ahfoh.
Ich freu mich uf vieli tolli Nomitäg mit euch.
Euri Messua
Cambrino v/o Gabriel Segalini
Hoi zämme
Ich bi de Cambrino und bin sit 2021 als Wölflileiter in de Pfadi Rynach debi. Es macht mir e riese Freud am Samstig Nomitag mit de Kinder chlini Abenteuer zerläbe und e schöni Zyt z ha. Näbe de Pfadi spieli gern Gitarre und arbeit als Chemielaborant. Ich freu mich uf gmeinsami Momänt mit euch und bis bald!
Aslan v/o Janis Hollenstein
Hallo zämme!!
Ich bi dr Janis und heiss zum Pfadiname Aslan. Ich bi sit 2010 in dr Pfadi und es macht mir jedes Mol sehr viel Spass. Sit 2020 bi ich Leiter in de Wölfli. Es macht mir sehr viel Freud Aktivitäte zplane. Ich bi momentan in dr Lehr als Automatiker. Ich freu mi euch scho bald amene Samschtig zgse.