Pfadi rynach st. nikolaus
Pfadistufe
Herzlich willkommen bei der Pfadistufe!
Die Kinder und Jugendlichen, im Alter von 11 bis 14 Jahren, gestalten die Aktivitäten der Gruppe aktiv mit und erleben einzigartige und unvergessliche Abenteuer. Innerhalb der kleinen Gruppen kann jede/r schon früh Verantwortung übernehmen.
Die Aktivitäten der Pfadi finden immer unter einem Thema statt (z.B. Indianer, Piraten, Weltreise etc.) und gehen von Handwerk über Theater, Pfaditechnik, Spiel und Sport bis zu bewussten Gemeinschaftserlebnissen und ruhigen Momenten.
Hast auch du Lust mit uns am Samstag Nachmittag mit uns Erlebnisse zu bestreiten? Dann findest du die nächste Aktivität auf unserer Info Seite.
Komm vorbei!
Für die Pfadis (11-14 jährig) meldest du dich am besten bei Poca (pfadistufe@pfadirynach.ch).
Pfadileitung
Stufenleiterin
Lorena Zenuni v/o Poca
Hoi zämme, ich bin d’Lorena, au bekannt als Poca, und bin sit 2010 in de Pfadi. Leiterin bini im 2019 worde. Ich han zur Zit d Stuefeleitig vo de Pfadis und bin parallel no bi de Biberstuefe als Leiterin tätig. Ich freu mi immer für d‘Pfadis und Biber e möglichst glungeni Aktivität z’plane, und sie au in ihrere Entwicklig z’begleite. Wenn unseri Pfadis oder au Biber e Problem händ, hani immer e offes Ohr für sie und hilf au gern wo ich chan. Näb de Pfadi tanz ich Hip-Hop im NDC. Näb däm studier ich an de FHNW Muttenz Pädagogik, um denn spöter Primarlehrerin z‘wärde. Ich freu mi uf witteri Johr in de Pfadi St.Nikolaus mit euch!!
Mario Zenuni v/o Sueño
Sali ich bin de Sueño und ich bin sit em Summer 2007 do in de Pfadi. Ich mach nebe de Pfadi no Judo und Jiu-Jitsu. An de Pfadi gfalle mir, de Zemmehalt, wo mit de Zit entstoht und d Fründschafte wo me knüpft. Ich han sit ich derbi bin vieli tolli Sache in de Pfadi erlebt und hoff, dass ich das an d Pfadis chan witergeh.
Lea Besel v/o Laventa
Hallo zämme, ich bi d Lea oder au Laventa. Mi Wäg in d Pfadi han ich erscht spot gfunde, im 2021, aber ha mi richtig schnäll do wohl gfühlt und bi sehr froh, bin ich jetzt do. Ich studier an de Uni Zürich Politikwüsseschaft und schaff no näbedra. Ich ha scho ganz viel spannendi, luschtigi und tolli Sache in de Pfadi erläbt und wunderbari Fründschafte chönne schliesse. Ich hoff, dass ihr au so tolli Erfahrige in de Pfadi chönned sammle wie ich!
Alyssa Amato v/o Kahira
Hallo zemme! Ich bin d Kahira. Ich bin sit 2016 do in dere Pfadi und sit em 2022 au als Leiterin tätig. Momentan gangi ans Gymnasium mit em Schwerpunktfach Wirtschaft & Recht. Am beste gfalle mir d Samstig Nomitäg und die tolle Fründschafte woni in dene Joor in de Pfadi gschlosse han.
Mulan
Hey, Ich bin d Mulan und sit 2016 in de Pfadi. Zur Zeit mach ich e Usbildig zur Metallbauerin. Nebe bi spiel ich no Fussball. Am beste gfallt mir zeit vo ich in de Natur verbring.
Christine Spaan v/o Tweety
Hallo zämme, ich bi d‘Tweety. Ich bi 18 Johr alt und bi sit 2017 in de Pfadi. In de Pfadi han ich die töllste Erlebnis gmacht und Fründe fürs Lebe gfunde. Pfadi isch mis zweite Dehei, mini Familie und ich hoff das alli die Erfahrig könne mache. Nebst de Pfadi gang ich ind Fachmittelschuel im Beruefsfeld Soziales und mach Musik. Als Pfadileiterin versuech ich für alli e lustige Samstig z gstalte und hoff, dass d‘Kinder hei kömme mit öbbisem zum verzelle.
Janis Hollenstein v/o Aslan
Hallo zämme!!
Ich bi dr Janis und heiss zum Pfadiname Aslan. Ich bi sit 2010 in dr Pfadi und es macht mir jedes Mol sehr viel Spass. Sit 2020 bi ich Leiter. Ich bi sit em 2o23 Stufeleiter i de Piostufe und leit zuedäm no bi de Pfadis. Es macht mir sehr viel Freud Aktivitäte zplane. Ich studier Systemtechnik und spiel in minere Freiziit gärn Klavier. Ich freu mi euch scho bald amene Samschtig zgse.
Mio
Sali ich bi dr Mio und ich bi sit 2011 in dere Abteilig. Ich schaff momentan als Landschaftsgärtner und freu mi no ä paar Joor döva in der Abteilig leitä