Pfadi rynach st. nikolaus
Abteilungsleitung
Joel Hollenstein v/o Lobo
hoi zämme! ich bin de Joel, in de Pfadi au de Lobo. Sit 2009 bin ich in de Pfadi und sit 2017 in de Leitig aktiv tätig. Sit em 2022 au in de Abteiligsleitig. In dere Zyt als Pfadileiter isch mir ugfalle, dassi mega gärn mit de Pfadis zämme schaff und bi ihrer Entwicklig chan mit debi sii. Do ich als Abteiligsleiter mehr Organisatorischs zdue han, bin ich froh, dass ich bi de Biberstuefe als Mitleiter dörf debi si, do d’Aktivitäte nit so regelmässig sind wie in de Pfadistuefe. Ich hoff, dass ich allne Kinder öbbis uf ihre witere wäg chann mitgäh und freu mi uf witeri tolli und schöni Momänt mit ihne. Näbe dra mach ich mega gärn Musik und schaff als Automobilmechatroniker.
Gabriela Hollenstein v/o Arwen
Sali zämme:)
Ich bin d Gabriela und in de Pfadi heiss ich Arwen. Sit ich 6 Johr alt bi, bin ich in de Pfadi debi. Ich han ahgfange als kleins Wölfli und bin im Johr 2019 selber e Teil vom Wölflileitungsteam worde und im 2020 han ich d Stuefeleitig vo de Wöfli übernoh. In all dene Johre han ich Fründschafte fürs Läbe gfunde und unvergässlichi Summerlager erläbt. Im 2023 bin ich bi de Gründig vo de Biberstufe debi gsi, wo ich jetzte aktiv mitleit. Es macht mir grossi Freud mit de Kinder am Samstignommitag e spannendi und tolli Ziit zerläbe. Zämme mit em Lobo bin ich sit em 2024 Abteiligsleiterin. Ich freu mich uf das neue Kapitel und bi gspannt was alles uf mich zue kunnt.
Bis bald 🙂