Pfadileiter

Pfadileiter

Lorena Zenuni v/o Poca

Hoi zämme, ich bin d’Lorena, au bekannt als Poca, und bin sit 2010 in de Pfadi. Leiterin bini im 2018 worde. Ich bin in de Pfadistuefe tätig und freu mi immer für d‘Pfadis e möglichst glungeni Aktivität z’leite. Wenn unseri Pfadis Problem händ odr Hilf bruche, hani immer e offes Ohr für sie und hilf au gern wo ich chan. Näb de Pfadi tanz ich im NDC ich und gang and FMS, um spöter Primarlehrerin z‘wärde. Ich freu mi uf witteri Johr in de Pfadi St.Nikolaus mit euch!

Sarah Anderson v/o Jaspis

Sali zemme ich bi d’Sarah und inde Pfadi heiss ich Jaspis. Sit 2008 bin ich scho bi de Pfadi Rynach debi! Es het mer immr ganz viel Spass gmacht am Samstig and Aktivitäte zgo und vorallem ind Lager zgo. Sit 2016 bin ich aktiv als Leiterin inde Pfadistuefe tätig. Es macht mer mega Spass, Aktivitäte für d’Teilnehmer zplane und die denn au umzetze. Mis Ziel isches unsere Teilnehmer, mit unsere plante Aktivitäte und Lager,  e unvergesslichi Zyt zschenke! Genau so wie ich sie frühner ka han. Ich freu mich uf euch!

Mario Zenuni v/o Sueño

Sali ich bin de Sueño und ich bin sit em Summer 2007 do in de Pfadi. Ich mach nebe de Pfadi no Judo und Jiu-Jitsu. An de Pfadi gfalle mir, de Zemmehalt, wo mit de Zit entstoht und d Fründschafte wo me knüpft. Ich han sit ich derbi bin vieli tolli Sache in de Pfadi erlebt und hoff, dass ich das an d Pfadis chan witergeh.

Joel Hollenstein v/o Lobo

hoi zämme! ich bin de Joel, in de Pfadi au de Lobo. Sit 2009 bin ich in de Pfadi und au scho sit 2017 in de Leitig aktiv tätig. Als Materialchef bin ich fürs ganze Material vo de Pfadi Rynach verantwortlich. In dere Zyt als Pfadileiter hanni gmerkt dassi sehr gärn mit de Pfadis zämme schaff. Ich hoff, dass ich jedem Pfadi öbbis uf sim witere wäg chann mitgäh und freu mi uf jede Samstignomitaag mit ihne.
Momentan bin ich als Automobilmechatroniker in Usbilding und näbe bi machi au no chli sport.
Ich freu mi uf witeri tolli und schöni Momänt in de Pfadi Rynach und hoff, dass mirs immer so lustig wärde ha wie mirs jetzte händ.

Leonhard Sander v/o Schlaubi

Hi, ich bin Leonhard oder auch Schlaubi. Ich bin seit ich 7 bin in der Pfadi und seit dem ist es ein riesen Teil meines Lebens. Am meisten mag ich an der Pfadi dass man immer neue Leute kennen lernt und sich Freundschaften fürs Leben bilden. Es macht mir sehr spass mit den andern Leiterinnen und Leitern Aktivitäten und Lager zu planen und diese dann mit den Kindern in die Realität umzusetzen. Das wars von meiner Seite, ich hoffe wir sehen uns bald. Bis dann und allzeit bereit!